[i5og]                                           DE LA VILLE DE PARIS.                                               151
1509.
CCXLV. — Lettres du Rov touchant la
22 mars i5og.
L'an mil v° huit, le jeudi matin xxu°jour de Mars, ont esté apportées à messieurs les Prevost des Mar­chans et Eschevins de la ville de Paris, eulx estans au Bureau d'icelle, unes lettres missives du Roy à eulx adressans, dont la teneur s'ensuit :
"Trés chers et bien amez, nous avons presente­ment ratiffié la paix qui n'a gueres avoit esté faicte et traictée entre nostre trés cher et trés amé frere et cousin l'Empereur et Nous et nostre trés cher et trés amé cousin l'Archiduc prince de Castille ''', de tous debatz, differens et divisions quelzconques qui es­toient entre nostred, frere l'Empereur et Nous et nostred, cousin l'Archiduc; et icelle paix avons jurée en la presence des ambassadeurs d'iceluy Empereur, ainsi que de sa part il avoit fait des nostres; laquelle paix nous esperons, Dieu aydant, estre au bien uni­versel de toute la Chrestienté, seureté et repoz de nostre royaulme, pays, seigneuries et subgectz, dont i} est bien requiz rendre graces et louanges à Dieu nostre createur duquel elle procede, et en faire les feux de joye comme il est acoustumé entel cas; ce que avions bien voulu différer de mander en nostre bonne ville et cité de Paris faire, pour ce que c'est la capitalle et principalle de nostre Royaulme, jusques ad ce que led. traictié de paix fut de tous coustez
paix entre l'Empereur, l'Archiduc et Luy.
(Fol. 201 v°.)
juré, rattiffié et asseuré, comme, graces à Dieu nos­tredit createur, il est de present.
"Par quoy vous prions et mandons que, en nostred, ville de Paris, vous en faictes incontinent faire lesd, feux de joye, et que chascun se treuve el assiste aux processions sollempnelles que escripvons à ceulx de l'Eglise dud. lieu cn faire faire, pour rendre louanges et graces, et mercier nostred. Crea­teur de lad. paix, et le prier et requerir devotement pour l'entretenement et conservacion d'icelle, et pour la santé et prosperité de Nous et de nostred. Royaulme. Et en ce faisant, vous Nous ferez trés grant et agreable plaisir; sy n'y faictes faulte.
"Donné à Bourges le xiiii0 jour de mars."
LOYS.
Ainsi signé : Gedoyn.
FEUZ DE JOYE POUR CAUSE DE LAD. PAIX.
Lesquelles lettres veues, incontinant lesd. Prevost et Eschevins ont ordonné mandemens estre faiz aux Quarteniers de faire commandement aux bourgois et habitans de leurs quartiers, d'eulx trouver ce jour de relevée a Nostre Dame de Paris, au The Deum qui y seroit chanté à feure en tel cas acoustumée, et au retour d'iceluy faire les feux de joye par les rues et carrefours de la ville.
CCXLVI. — Declaracion faicte par la Court touchant l ordre de cheminer
ES PROCESSIONS GENERALES.
22 et 23 mars i
Ced. jour de relevée, pour ce que le landemain matin devoient estres faictes processions generales pour rendre graces et louanges à Dieu, selon la teneur desd, lettres, et que par cy devant a eu quelque de­sordre sur la prééminence des lieux à cheminer es processions qui ont esté faictes depuis peu de temps en ça, en divertissant l'ordre ancien, dont les par­ties ont esté en differant et pourroient plus estre, si n'y estoit pourveu ; car de tout temps et ancien-
). (Fol. 202 r°.)
nement mess" de la Court de Parlement ont acous­tumé avoir et prendre le premier lieu du costé dextre la rue, et après eulx de ce renger les autres officiers du Roy de plusieurs corps particuliers, selon leurs degrez et prééminences. Et à l'opposite, de l'aultre costé de la rue à senestre partie, les Prevost des Marchans et Eschevins representans le Corps general de la Ville ; et après eulx leurs Conseillers et Quarte­niers, nobles gens, bourgois et marchans et autres
O Traité de Cambray, conclu le io décembre i5o8 entre Louis XII, l'empereur Maximilien I" et Charles d'Espagne.